Лаешта Корбан гаетендә мәчеткә балаларны җыялар

Лаеш мөхтәсибәтендә Корбан гаетендә балалар өчен бәйрәм чаралары уздырыла. Иртәгә, 4 октябрьдә, Лаеш районының Сокура бистәсендә урнашкан “Юлчы” мәчетендә балаларны иман йортына  җыеп,  күңелләрен күрергә ниятләгәннәр. Шулай ук, балалар өчен Корбан гаете 5 октябрьдә Лаешның җәмигъ мәчетендә уздырыла. Лаеш район имам-мөхтәсибе РӘФКАТЬ хәзрәт ГАТАУЛЛИН әйтүенә караганда, гаеткә җәй көннәрендә лагерьга йөргәннәрне дә, ятим балаларны да җыялар.  Балаларны корбан итеннән пешерелгән пылау белән сыйлау, шулай ук аларга төрле бүләкләр тапшыру  каралган.