Нәзарәтнең «Зәкят» хәйрия фонды Газзәдән килгән студентлар өчен фатир сатып алды.
ТР мөселманнары Диния нәзарәтенең "Зәкят" хәйрия фонды соңгы ике елдан артык вакыт эчендә битараф булмаган кешеләр ярдәме белән Газзә халкына 32 миллион сумнан артык акчалата ярдәм күрсәтте. Фонд хезмәткәрләре шәхсән үзләре, Мисырның төньягына гуманитар йөкләр илтеп, аларны Кызыл Ярымай вәкилләренә тапшырды. Әлеге ярдәмнең, чыннан да, мохтаҗларга барып җитүе турындагы хәбәрләр Газзәдә яшәүчеләрнең үзләреннән килә, Фонд һәм Диния нәзарәтенең мәгълүмат ресурсларында бастырыла.
Бүгенге көндә Казанда Газзәдән килгән кешеләр яши, аларның күпчелеге — Казан югары уку йортлары студентлары. Кызганычка каршы, аларның күбесе туганнары белән аралаша һәм аларның ярдәменә өмет итә алмый. Шуңа күрә фонд ярдәмгә аеруча мохтаҗ Газзә студентлары өчен Казанда фатир сатып алу турында карар кабул итте. Хәзерге вакытта фатир җаһазландырыла, һәм, ин шәә Аллах, бу Рамазанда ук аның ачкычлары студентларга тапшырылачак.
Газзәдә вәзгыять тотрыклангач, фонд бу фатирны сатарга һәм акчасын Газзәне торгызуга юнәлтергә ниятли.
Аллаһы Тәгалә сезнең ярдәмегезне кабул итсен, дин кардәшләребезнең хәлен җиңеләйтсен.
