Капиталь ремонттан соң Минзәлә мәчете яңадан эшли башлады. Биредә төзекләндерү эшләре бер ай дәвамында барды. Корбан гаете намазы төзекләндерелгән мәчеттә укылды. “Үзенең малын һәм көчен иман йортын төзекләндерүгә керткән һәркемгә, бигрәк тә Фаил Сабиров әфәндегә Аллаһының рәхмәте яусын. Изге гамәлләр кылганнарга һәм динебезгә хезмәт итүчеләргә Аллаһы җәннәттә үз сарайларын булдырсын!”, - дигән теләкләрен җиткерде Минзәлә мөхтәсибе Җәүдәт хәзрәт Харрасов.
