Зәй мөхтәсибәтендә гарәпчә сөйләм теленә өйрәтәләр

Зәй мөхтәсибәте 1 сентябрьдән гарәпчә сөйләм теле һәм Коръән укый өйрәнү курсын башлап җибәрде. Район мөхтәсибе Сәгыйть хәзрәт Камалов хәбәр итүенә караганда, әлеге курс уку елы дәвамында бара. Гомумән. 3 елга исәпләнгән.  Аны Түбән мәхәллә имамы Гамил Сәгыйров алып бара. Укулар атнага 3 тапкыр уздырыла. Дәресләргә  ир-атлар да, хатын-кызлар һәм балалар да йөри. “Коръән аятьләрен дөрес итеп уку бик мөһим. Аннары мөселман кардәшләребез төрле мөселман илләренә бара, хаҗ кылалар. Менә шул чакта аларга гарәпчә сөйләм телен белү бик кирәк. Бу курсларда без сөйләм теленә өйрәтәбез”, - диде Сәгыйть хәзрәт.