Бөгелмә районында мөселман пьесасын сәхнәләштерделәр

15 мартта Бөгелмә районы Иркен авылы клубында “Исем кушу йоласы” пьесасын сәхнәләштерделәр. Пьеса авыл клубы активистлары тарафыннан куелды, әсәр үзе җирле мөселманнар тарафыннан иҗат ителгән. Шуны да билгеләп үтәргә кирәк, сәхнә әсәре тулысынча ислам каннунарына туры килә: Изге Коръән һәм Сөннәтебезгә багышланган әхлак-тәрбия мәсьәләсе, никах нигезе һәм исламда хатын-кыз һәм ир-ат мөнәсәбәте күтәрелә. Үткәрелгән чарага өч дистәдән артык кеше җыелган иде, чара ахырында тамашачылар пьесаны куючыларга рәхмәтләрен җиткерделәр.