Чирмешән районында яшьләр спартакиадасы үтте

2012 елның 15 апрелендә Чирмешән район үзәгендәге сәламәтләндерү комплексында мөселман яшьләре арасында район мөхтәсибәте спартакиада ярышлары үткәрде. Әлеге чара Чирмешән яшьләрен генә түгел, якын-тирә районнардагы яшүсмерләрне дә үзенә җыйды. Командалар үзләрен волейбол, мини-футбол, армрестлинг, йөзү, канат тарту һ.б. спорт төрләрендә күрсәтә алдылар. Үткәрелгән чарада район администрациясе вәкилләре, район башлыгының дини эшләр буенча ярдәмчесе, шулай ук Чирмешән, Әлмәт, Аксубай, Яңа Чишмә, Мөслим, Сарман, Лениногорск һәм республиканың башка районнарыннан кунаклар катнашты. Спартакиадада катнашучыларның барысына да истәлекле бүләкләр тапшырылды.