Мөселманнар арасында теннис ярышлары үтте

2012 елның 28 апрелендә Ютазы муниципаль районының Урыссу шәһәр тибындагы  поселыгында урнашкан “Олимп” спорткомплексында Баулы, Бөгелмә, Лениногорск, Сарман һәм Ютазы районы мөселманнары арасында теннис ярышлары үтте.  Ярышларның оештыручысы һәм генераль иганәчесе – Марат хәзрәт Мәрданшин җитәкчелегендәге республиканың көньяк-көнчыгыш төбәк казыяте. Беренче урынга Баулы мөхтәсибәте лаек булды, икенче урын – Бөгелмә, өченче урын Лениногорск районына бирелде. Барлык катнашучыларга да кыйммәтле бүләкләр, медаль һәм мактау кәгазьләре тапшырылды.