Бөгелмә мөселманнары Болгарда булып кайтты

10 июньдә Бөгелмә мөселманнары, И.А.Касыймов һәм Рөстәм хәзрәт Хәйруллин җитәкчелегендә, мөселманнар өчен истәлекле булган Болгар җирлегендә булып кайттылар. 100 кешедән торган әлеге делегациядә мәхәллә халкы да, якшәмбе курс укучылары, татар клубы вәкилләре һәм хезмәткәрләре дә бар иде. Бөгелмәлеләр “Ак мәчет” һәм мәдрәсә ачылышында да катнаштылар, шулай ук болгарлар тарафыннан ислам дине кабул ителүгә багышланган Истәлек билгесендә урнаштырылган дөньядагы иң зур Коръәнне дә күреп кайттылар.