Илдус хәзрәт: “Сугыш елларының фаҗигасен күңелләребездә әле дә саклыйбыз”

Бүген, 22 июньдә ТР мөселманнары Диния нәзарәте рәисе, Мөфти Илдус хәзрәт Фәиз Казан шәһәренең “Кол Шәриф” мәчетендә җомга намазын алып барды. Җомга вәгазе алдыннан Илдус хәзрәт 22 июнь – кайгы һәм хәтер көне уңаеннан чыгыш ясады: “Сугыш елларының фаҗигасен күңелләребездә әле дә саклыйбыз, халкыбызның рухи ныклыгы әлеге авыр елларда тагы да үскән, дин әһелләре дә читтә калмаганнар – Аллаһтан җиңү сорап, дога кылганнар, Ватаннары өчен соңгы сулышкача көрәшкәннәр. Ватаннары өчен җан биргән кардәшләребезне догадан калдырмау, алар өчен җан тынычлыгы, ярлыкау сорап гыйбадәт кылу – безнең алдыбыздагы төп бурыч”.