Мөфти Илдус хәзрәт Фәйзов Төркия Республикасының “29 май” Университеты вәкиллеге белән очрашты

4 июльдә ТР мөселманнары Диния нәзарәте рәисе, мөфти Илдус хәзрәт Фәйзов Төркия Республикасының “29 май” Университетыннан Попечительләр советы рәисе, Төркия Республикасының Бөек Милли җыелышының ике чакырылыш депутаты, Төркиянең дини эшләр идарәсенең экс-рәисе, доктор Тайар Алтынкулач җитәкчелегендәге вәкиллекне кабул итте. Вәкиллек составында шулай ук Университет ректоры, галим Денмез Ибраһим Кафи һәм университетның проректоры, “илаһият” юнәлешендә кадрлар әзерләү өлкәсендә хезмәттәшлек урнаштыру һәм Россия ислам университеты белән элемтәләрне ныгыту буенча җаваплы галим Синаноглу Мостафа да бар иделәр.