Питрәч районы депутатлар сессиясендә дин әһелләре дә чыгыш ясаган

28 августта Питрәч районы администрация бинасында район депутатлары сессиясе үтте. Сессиядә районның барлык имамнары да, шулай ук православие дине вәкилләре дә катнашты, дип хәбәр итә район мөхтәсибәте. Район имам-мөхтәсибе Мансур хәзрәт Кучкаров сессиядә райондагы мөселманнарны борчыган мәсьәләләр, экстремизмга каршы көрәш, яшьләр белән эшләү, ел әйләнәсендә башкарылган эшләренә кыскача күзәтү ясап, фикер-тәкъдимнәре белән чыгыш ясаган.