Баулы дин әһелләре депутатлар сессиясендә катнашкан

28 августта Баулыда район депутатлары сессиясе үткән. Экстремизм һәм террорчылыкка каршы көрәш мәсьәләләренә сессиядә аерым басым ясалган. Баулы районы башкарма комитетының социаль мәсьәләләр буенча бүлек җитәкчесе Ренат Хәмидуллин мәчетләр торышы буенча гомуми мәгълүмат биргән. Районның имам-мөхтәсибе Исмәгыйль хәзрәт Биккинин мәхәлләләрнең эшчәнлеге, традицион рухи кыйммәтләребезнең әһәмияте, Әбү-Хәнифә мәзһәбе турында сессиядә катнашучыларны таныштырып үткән. Баулы депутатлары сессиясендә шулай ук республиканың көньяк-көнчыгыш төбәк казые Марат хәзрәт Мәрданшин да чыгыш ясаган.