Кукмарада мөслимәләр лагерьга җыелды

Кукмара районы Өркеш авылында 1 августта 15 яшьтән өлкән мөслимәләр өчен лагерь эшли башлады. Төрле төбәкләрдән килгән өлкән сыйныф укучылары, студентлар, өлкән яшьтәге мөслимәләр ислам дине һәм беренче ярдәм күрсәтү буенча сабак алалар. Аларны югары белемле остазлар һәм табибәләр укыта. Коръән укыйлар, зикер кылалар, тәрәвих укыйлар, көн дә ифтар мәҗлесе әзерлиләр, цигун, йога системасында физик күнегүләр ясыйлар, авыл балаларын укыталар.11 августта авылда 10:00 мөселман яшьләре җыены булачак.